食完煲仔飯，覺得麻麻地，食唔飽，口痕痕，路經一條等食嘅人龍，PND嘅搵食電波話俾我知，佢係掂嘅。
呢檔紅色草盧大排檔係外賣小店，裝修又復古又潮，街市用嚟照雞蛋嘅紅色膠燈罩吊燈真係好潮。「牛什放暑假，九月先再賣」噢，咁！
其實最吸引我嘅係大生鑊入面炸到「咋咋聲」嘅《古法炸生腸》即炸即食$12串有六件。平時嘅豬大腸都係雪藏，鑊入面嘅橙色大腸仲係源源不絕嘅炸緊，聽到聲已經覺得吸引到爆爆。
師傅即叫即切，潮友可以大加特加黃芥辣、甜醬同酸梅醬！好爽！炸大腸嘅皮如圖見真係薄而脆，咬落好彈牙好嫩，同埋好多汁，唔腥唔臭，十分香口到極點，係我近半年食過最出色嘅炸生腸！
仲有平平地嘅《炸Oreo》$15/2件同《港式炸魚蛋》，望落個樣好吸引，到時九月開學有返牛什賣，我一定會再嚟。
廟街牛雜
#PND油麻地 #PND旺角 #PND港式 #PND小食 #PND外賣
星期一至日 開17:00
@油麻地鴉打街18號
Search